Wer binnich?

[bil linzie]

Zidder 1968 binnich Heide. Ich bin in Sudoscht Mich. gebore warre un datt uffgewaxe. Mer henn immi uffre Bauerei gewuhnt (mei Gremmpaep waar Bauer -- yetz dood, un mei Vadder waar Schreiner -- aa dood). Im Yaahr 1974 hawwich mei Heemet ferlosse. Ich hab in Sud Dakota gewuhnt (bloos 4.5 Yaahre) un dernoh binnich noch NM gange. Zidder 1978 binnich doh. Ich waar schier 9 Yaahre uff der Uni vun NM in Alb. un hab Deutsch (Hochdeutsch), Franzesisch, un AltEnglisch schtudiert. Dernoh hawwich en Maesters in speech-pathology grickt. Ich hab fiel annre Sache gelannt darrich die gelannt: Banjo, Fiddel, Dulsimer, heele mit Greider, Brodbacke, Bierbraue, usw.

Ich hab aa en Paar Ardickeln iwwe Heide-ismoos gschriwwe un waar en Rekonschtrukschunnist (Widderuffbau-ist) zimmlinch frieh. Yetz binnich aa Modereeder bei http://www.asatrulore.org

Mei Vadder waar arrich schtols uff de Faekt ass er Deitsch-amerigaaner waar un sei Mudder, mei Gremmaem, hot Deitsch als ihre aerschde Schprooch. Mei Vadder hot nimmi Deitsch gelannt so sell hawwich geduh. Mei Familye waar nimmi Bigshots, bloos ne Baurfamilye, un ich hab aus all de Kinner Deitsch (meinre Gremmaem ihr Mudderschprooch gelannt) un Deutsch gelannt. Unsere Familyegeschichte iss net wunnerbaarschee awwe ich bin en glee Deel dervun un die Schtorie gheert mir. Un so, doh binnich uffs Roi kumme.

'S iss mei Hoffning ass die PD (GA) Heide schtehne alle uff un nemme ihre Ehrbe uff. Ich will sehne ass selli Drupp wexscht un ass mer alle Deitsch widder schwetzte kenne.

der Bil aus NM
lewwe woohl un faahr mit de Gedder (Schi).